Қаршида 5000 нафар аҳоли «Саломатлик сари 5000 қадам» юришди

Вилоят ҳокимлиги, вилоят жисмоний тарбия ва спорт бошқармаси ҳамда бир нечта мутасадди ташкилотлар ташаббуси билан ташкил этилган мазкур акциядан кўзланган асосий мақсад аҳоли орасида оммавий спортни кенг ривожлантириш орқали соғлом турмуш тарзи тарғиб қилишдан иборатдир.

Қарши шаҳридаги маҳаллалар аҳолиси, олий таълим муассасалари ходимлари, халқ таълими ўқитувчи ва ўқувчилари, мактабгача таълим ходимлари ва тарбияланувчилари ҳамда турли корхона ва ташкилотларнинг ходимларидан 5000 нафардан ортиқ аҳоли вакиллари мазкур тадбирда фаол иштирок этишди.

Тадбирдан сўнг “Энг фаол ташкилот«, »Энг ёш иштирокчи«, »Энг нуроний иштирокчи” ва «Энг фаол тарғиботчи» номинацияларига лойиқ кўрилган хотин-қиз ва эркак иштирокчилар вилоят жисмоний тарбия ва спорт бошқармаси томонидан муносиб равишда тақдирланишди.