16 ноя 12:23
Янгиликлар
Дзюдо
Қашқадарёнинг олис Додиқ қишлоғида дзюдо зали фойдаланишга топширилди
Ўзбекистон спорт делегациясининг Париж-2024 Олимпия ўйинларидаги муваффақиятли иштирокидан сўнг бутун мамлакат бўйлаб ёшларнинг спортга бўлган қизиқиши ортиб кетди.
Фикримизни спорт залларига келаётган болаларнинг сони ҳам исботлайди. Спорт мажмуалари кун бўйи болалар билан гавжум. Мутасаддилар энди бу эхтиёжни қондириш учун спорт залларини кўпайтиришлари керак бўлади.
Хусусан, Қашқадарё вилояти Чироқчи туманидаги олис Додиқ қишлоғида дзюдо залига фойдаланишга топширилди. Ҳашар йўли билан бунёд этилган ушбу спорт мажмуаси қишлоқ ёшларига совға бўлди.
Додиқ қишлоғи маҳалла фаоллари 43-умумтаълим мактабининг бўш турган майдонидан унумли фойдаланиб, замонавий типдаги 12х22 ўлчамдаги янги дзюдо залини бунёд этишди. Унинг очилиш маросимида маҳалла оқсоқоллари иштирок этиб, бу ердан Олимпиада чемпионлари етишиб чиқиши учун дуога қўл очдилар.
Ҳавола :
Манба : olamsport.com
Фикрлар