Qatar ExxonMobil Open. Медведев 1/2 финалда

Дунёнинг саккизинчи ракеткаси Даниил Медведев мусобақанинг ярим финал иштирокчисига айланди. Россиялик теннисчи 1 дақиқаси кам 2 соат давом этган баҳсда ATP рейтингида 94-поғонада бораётган австралиялик Кристофер О'Коннелни 6/2, 4/6, 7/5 ҳисобида мағлубиятга учратди. 

Бу теннисчиларнинг ўзаро ўтказган иккинчи учрашуви эди - 2:0. Медведев 5 та эйс, 2 та қўшхато ва 4 та брейк қайд этди. Энди Даниил финал чиптаси учун канадалик Феликс Ожега қарши кортга чиқади.