Қиличбозларимиз Ўзбекистон делегацияси ғазнасига яна 4 та медаль қўшиб қўйишди

Қиличбозлик бўйича Ўзбекистон терма жамоаси аъзолари делегациямизга 4 та медаль тақдим этишди. Рапирачимиз Иляс Молина туркиялик спортчи билан кечган муросасиз финал баҳсида бир очко фарқи билан - 14:15 ҳисобида имкониятни бой берди ва кумуш медалга эга чиқди.

Ярим финадаги ўзбек дербисида айнан Иляс Молинага ютқазиб қўйган Радмир Семенеев бронза медали билан тақдирланадиган бўлди. Қиличбозликнинг шпага баҳсларида Севара Раҳимова Ислом бирдамлиги ўйинларининг кумуш медалига сазовор бўлди. У ҳам финал жангида туркиялик рақибасига ютқазиб қўйди. Яна бир шпагачимиз Шаҳзода Эгамбердиева бронза медали соҳибасига айланди.