Қиличбозларимиз U-20 Жаҳон кубоги босқичини олтита медаль билан якунлади

Қувонарлиси, жамоавий дастурда ҳам Ўзбекистон ёшлар термаси аъзолари муваффақиятли иштирок этиб, олтин медалларга эгалик қилди.

Наргиза Жаксибаева, Аякўз Жумамуратова, Самира Шокировадан иборат қизларимиз финалда мексикалик тенгқурларини 45:20, Сардор Абдукаримбеков, Муса Аймуратов ҳамда Алпамис Уракбоев таркибидаги йигитларимиз эса мезбонларни 45:28 ҳисобларида мағлубиятга учратишди. 

Шу тариқа, яккалик баҳслари билан ҳисоблаганда юртдошларимиз ушбу мусобақани 3 та олтин, 1 та кумуш ва 2 та бронза медаллари билан якунлашди.