21 фев 16:04
Янгиликлар

Милан-Кортина-2026

Қишки Олимпиадада олтин медаллар сони бўйича рекорд ўрнатилди

Норвегия терма жамоаси битта қишки Олимпиадада ғалаба қозониш бўйича янги рекорд қайд этди.

Скандинавияликлар Италияда бўлиб ўтаётган қишки Олимпия ўйинларида 17 та олтин медални қўлга киритиб улгуришди. Улар Пекин-2022 ўйинларида ўрнатилган натижани (16 та олтин) янгилашди.

Рекордни янгилашга сабаб бўлган 17-олтин медални биатлончи Йоханнес Дале-Шевдал 15 км масофага ўтказилган масс-старт баҳсларида қўлга киритди. Биатлондан ташқари, норвегиялик спортчилар чанғи пойгаси, фристайл, чанғи иккикураши, трамплиндан сакраш ва конькида югуриш бўйича ҳам чемпионлик шоҳсупасига кўтарилишди. Норвегия учун энг кўп медални чанғичи Йоханнес Клебо келтирди. Клебо 10 карра Олимпиада чемпиони ҳисобланади.

2026 йилги Олимпия ўйинлари эртага, 22 февраль куни якунига етади. Мусобақа доирасида 116 та медаллар жамланмаси ўйналади.