"Қизиқ савол!": Учта камар соҳиби "Қирол" Артур режалари билан ўртоқлашди

"Агар Дмитрий Биволни мағлуб этиб, мутлақ жаҳон чемпиони бўлсам, ярим оғир вазнда қоламанми ёки йўқ? Қизиқ савол! Бу ҳақда ўйлаб кўришим керак.

Аввал биринчи оғир вазн тоифасида, кейин оғир вазнда ўзимни синаб кўрардим. Мен яна бир чемпионлик камарини қўлга киритишни истайман. Умид қиламанки, промоутерим буни мен учун уюштира олади.

Александр Усикнинг оғир вазн тоифасида чемпион бўлиши менга ишонч бағишладими? Ҳа, у буни уддалади. Нима бўлишини энди кўрамиз", — деди Бетербиев.

Эслатиб ўтамиз, Артур Бетербиев кеча иккинчи раундда Жо Смитни нокаутга учратиб, WBO камарини қўлга киритганди. Ҳозир Бетербиевда WBC, IBF ва WBO чемпионлик камарлари бор. Айнан шу вазндаги сўнгги камар - WBA Дмитрий Биволнинг қўлида қолмоқда.