05 ноя 17:31
Янгиликлар

Шахмат

Қойил! 3 ёшли шахматчи FIDE рейтингига кирди

3 ёшли ҳиндистонлик Аниш Саркар Халқаро шахмат федерацияси (FIDE) рейтингидаги энг ёш ўйинчига айланди.

Саркар 2021 йилнинг 26 январида туғилган. Ҳозирда у классик йўналишда 1555 очкога эга. У октябрь ойида 9 ёшлилар ўртасидаги Ғарбий Бенгалия чемпионатида қатнашиб, 140 нафар иштирокчи ўртасида 5,5 очко тўплаган ва 24-ўринни эгаллаган. Кейинроқ у мазкур турнирда 13 ёшгача бўлганлар ўртасидаги беллашувларда ҳам қатнашган, лекин очко қўлга кирита олмаганди.

Бунгача рейтингдаги энг ёш шахматчи сифатида бангладешлик 4 ёшли Афнан Айлан қайд этиларди.