Қозоғистон нега Польшадаги Жаҳон кубогида қатнашмаяпти?

— Ҳозир ижтимоий тармоқларда Ўзбекистон асосий таркиб билан Польшадаги турнирга боргани, биз эса қатнашмаганимиз ҳақида муҳокамалар кетяпти...

— Ҳар бир жамоанинг тайёргарлик режаси бор. Қайси мусобақада қатнашиш — ҳар бир жамоанинг ўз қарори. Бизда ҳам режалар, мақсадлар, тайёргарлик услублари бор. Ҳеч бир боксчимиз бекорчи эмас — кимдир мусобақада, кимдир машғулотда, кимдир янги турнирга тайёргарлик кўрмоқда. Ўзбекистоннинг ҳам ўз режаси бор. Ҳар икки жамоа ўртасидаги тўқнашув катта қизиқиш уйғотиши табиий. Лекин бундан шов-шув чиқариш керак эмас. Польшадаги турнирда қатнашмадик дегани - очколаримиз камайиб қолади дегани эмас. Балки кейинги мусобақамизда Ўзбекистон қатнашмас, ҳамма нарса бўлиши мумкин. Ҳар бир жамоа қаерда иштирок этишни ўзи ҳал қилади.