Қозоғистон Париж Олимпиадаси ва Паралимпиадаси ғолиб ва совриндорларига ваъда қилинган мукофот пулларини тўлаб берди

"Қозоғистон Республикаси ҳукумати 2024 йилда Париж шаҳрида бўлиб ўтган XXXIII ёзги Олимпия ўйинлари ва XVII ёзги Паралимпия ўйинлари ғолиб ва совриндорларини пул мукофотлари билан тақдирлаш тўғрисида қарор қабул қилди. 

Қарорга кўра, спортчилар ва уларнинг мураббийларига тўловлар ҳукумат захирасидан юборилди. Жами 49 спортчи ва 63 нафар мураббийга пул мукофоти топширилди.

Амалдаги қонунчиликка мувофиқ қуйидаги миқдорда пул мукофотлари тақдим этилди:

• 1-ўрин учун – 250 000 АҚШ доллари;

• 2-ўрин учун – 150 000 АҚШ доллари;

• 3-ўрин учун – 75 000 АҚШ доллари;

• 4-ўрин учун – 30 000 АҚШ доллари;

• 5-ўрин учун – 10 000 АҚШ доллари;

• 6-ўрин учун – 5 000 АҚШ доллари.

Шунингдек, совриндорларнинг биринчи, шахсий ва бош мураббийларига пул мукофотлари тақдим этилди.

Бундан ташқари, Олимпиада ва Паралимпия ўйинлари ғолиб ва совриндорлари маҳаллий ижро ҳокимияти органлари томонидан қўллаб-қувватланмоқда. Хусусан, ҳокимликлар томонидан спортчиларга маҳаллий коммунал уй-жой фондидан бепул квартиралар ажратилмоқда", дейилади ташкилот хабарида.