Қозоғистонлик болакай Рамзан Қодировнинг фарзандларини жангга чорлади

Абай Тажибай - кикбоксинг бўйича икки карра Астана чемпиони. Лекин, кичик Қодировлар билан жанг қилиш учун ҳозирда ММА билан шуғуллана бошлаган.

"Ўйлашимча Абай жанг учун чақирув ташлашга ҳақли. Ҳозир Алматада яшаяпмиз ва ММА машғулотларида иштирок этмоқдамиз. Бир неча мураббий Абай билан ишламоқда. Улар қаторида профессионал ММА жангчиси Замгузаль Файзолланова ҳам бор" - дейди Тажибайнинг отаси.

Рамзан Қодировнинг ўғиллари Россиядаги ягона бўлган болалар ММА камарига эгалик қилишади.

Адам ва Ахмат Қодировлар ММАдаги илк жангини WFCA "Ахмат" турнири доирасида 2016 йилнинг 1 октябрь куни ўтказишганди. Ўшанда болалар ўртасида жанглар мухлисларнинг катта норозилигига сабаб бўлган.