Қозоғистонлик депутат ўзбек ва қозоқ боксчиларининг Париж Олимпиадасидаги иштирокини таққослади

"7 нафар ўзбекистонлик боксчи чорак финалга чиқди. Бизда эса фақатгина Нурбек Оралбай чорак финалдан ўтди. Бу шармандали ҳолат. Қозоғистон бокс державаси сифатида гавдаланиши керак. Шунингдек айбни ҳакам ва ташкилотчилардан излаш нотўғри. 

Агар ҳақиқатдан ҳам кучли бўлса, хеч ким ғалабани тортиб ололмайди. Ўзбекларни ҳакамлар "тортиб чиқишди" дея олмаймиз. Улар рингда "ёнишяпти". Улар борини бериб, охиригача курашмоқда. Бизнинг йигитларда эса бунақасини кўрмадим. Албатта бунда мураббийлар ва бош мураббийнинг айби бор. Агар спортчида ғурур, характер, миллий рух бўлмаса, қийин. 

Боксчиларни фақатгина пул билан ушлаб туриш мумкин эмас. Жамоага кўзи ёнадиган йигитларни таклиф қилиш керак. Давлат боксчилар бемалол, бошқа нарсани ўйламай шуғулланишлари учун шароит яратиб қўйган. Бироқ, натижа ноль. Токио Олимпиадасидаги хатолардан хулоса чиқармадик. Шу сабабли, спорт соҳаси ислоҳотларга муҳтож. Уларнинг ўрнига профессионаллар, спортни тушунадиганлар керак. 

Четдан таклиф қилинган мураббийлар ва легионерларга фақат қозоқ пуллари керак. Кун келиб шартнома якунланади ва улар кетишади. Қозоғистон боксининг ривожланишидан фақат қозоғистонликларнинг ўзи манфаатдор", - деб ёзди Каскарауов.