21 авг 13:27
Янгиликлар

Бокс/ММА

Қозоғистонлик Иван Дичко Канело — Кроуфорд оқшомида таниқли боксчи билан жанг қилади

13 сентябрь куни АҚШнинг Лас-Вегас шаҳридаги Allegiant Stadium мажмуасида йирик проф бокс оқшоми ўтказилади.

Мусобақанинг асосий жангида мексикалик Жаҳон чемпиони Сауль Альварес америкалик чемпион Теренс Кроуфордга қарши рингга чиқади.

Ташкилотчилар бугун тонгда турнирнинг андеркардини ҳам эълон қилди. Унга кўра, қозоғистонлик супер оғир вазнли 35 яшар чарм қўлқоп устаси Иван Дичко мусобақа доирасида америкалик 31 ёшли Жермейн Франклин билан баҳс олиб боради. Франклин 2022 йилда Диллиан Уайт, Энтони Жошуа каби юлдузлар билан жанг қилиб, мағлуб бўлган.

Бундан ташқари, ушбу карддан украиналик Сергей Богачукнинг АҚШ вакили Брэндон Адамсга қарши жанги ўрин олган. Ёдингизда бўлса, Богачук ўтган йилнинг декабрь ойида ҳамюртимиз Исроил Мадримов билан жанг қилиши керак эди. Бироқ якунда беллашув бекор бўлганди.