21 апр 18:37
Янгиликлар
Теннис
Қозоғистонлик теннис маликасининг финалдаги рақибаси маълум
Германиянинг Штутгарт шаҳри мезбонлик қилаётган нуфузли WTA 500 турнирида финалчилар маълум бўлди.
Иккинчи 1/2 финал баҳсида дунёнинг саккизинчи ракеткаси бўлиб турган чехиялик Маркета Вондроушова бироз кутилмаганда WTA рейтингида 27-поғонадан жой олган украиналик Марта Костюкка имкониятни бой бериб қўйди - 6/7(2), 2/6.
Марта теннисчиларнинг ўзаро учрашувларидаги ҳисоб мувозанатини ҳам тиклади - 1:1. Тўқсон олти дақиқа давом этган баҳсда Вондроушова 1 та эйс зарбасини амалга оширди, Костюкда эса бу кўрсаткич нол кўринишида бўлди. Бугун Марта Костюк турнир бош соврини учун қозоғистонлик Елена Рибакинага қарши кортга чиқади.
Ҳавола :
Манба : gotennis
Фикрлар