Қозоғистонлик теннисчи WTA Finals чемпиони!

Мусобақа бош соврини қозоғистонлик теннис маликаси Елена Рибакинага насиб этди. У ҳал қилувчи финал учрашувида дунёнинг биринчи ракеткаси, беларуслик Арина Соболенкони 6/3, 7/6(0) ҳисобида мағлубиятга учратди. Теннисчиларнинг ўзаро учрашувларида ҳамон Арина олдинда бормоқда - 10:7.  

Бир юз саккиз дақиқа давом этган финал баҳсида Рибакина 13, Соболенко 5 та эйс зарбасини амалга оширган. Қўшхато ва брейклар Еленада кўпроқ бўлди 2 га 0 ва 1 га 0 кўринишларида.

Рибакина фаолиятида илк бор WTA Finals бош совринига эга чиқди. Бу унинг фаолиятидаги 11, жорий мавсумдаги 3-соврини бўлди. Елена ушбу муваффақияти ортидан 5 миллион 325 минг АҚШ доллар миқдоридаги мукофот пулини қўлга киритди. У янгиланган рейтингда дунёнинг бешинчи ракеткасига айланади.