23 июн 09:51
Янгиликлар

Бокс/ММА

Қозоғистонлик UFC жангчисининг қачон ва кимга қарши октагонга кўтарилиши маълум

Қозоғистонлик UFC жангчиси Мария Агапова 22 август куни октагонга қайтади, деб хабар бермоқда MMAFighting.

Нашр хабарига кўра, Агапова шу куни АҚШда Шанна Добсонга қарши жанг ўтказади. Мариянинг жанги UFC Fight Night турнири доирасида бўлиб ўтади. Добсон UFC промоушенида ўтказган сўнгги учта жангида мағлубият аламини тотиб кўрган. Унинг ММАдаги жами жанглари сони 7 та бўлиб, шуларнинг 4 тасида ғалаба қозонган.

Мария Агапова эса ММАда 10 та жанг ўтказиб, 9 тасида зафар қучган. 2020 йилнинг февраль ойида UFC билан шартнома имзолаган. 13 июнь куни UFCVEGAS2 on ESPN 10 турнирида дебют жангини ўтказган. Агапова шу куни Ханна Сайферсни биринчи раунднинг ўзида нокаутга учратган эди. Бу ғалабаси учун UFC томонидан қўшимча бонусга ҳам эга бўлганди.