Қозоқ теннисчиси дунёнинг биринчи ракеткасини ютиб қўйди

Кутилмаганда дунёнинг биринчи ракеткаси Янник Синнер иккинчи даврада қозоғистонлик теннисчига ютқазиб қўйди. Александр Бублик италиялик номдор рақибини 3/6, 6/3, 6/4 ҳисобида мағлубиятга учратиб, якунига етиб бораётган ҳафтанинг асосий шов-шуви сабабчисига айланди. 

Таққослаш учун, бир пайтлар Осиё ўйинларида Денис Истоминга ютқазган Бублик айни пайтда ATP рейтингида 45-ўринни эгаллаб турибди. Қозоғистонлик теннисчи фаолиятида иккинчи бор Синнердан устун келди - 2:4. 

Қизиғи, Бублик Янникни илк бор 2023 йилда айнан Галле турнирида ютган экан. Икки соату 3 дақиқа давом этган кечаги баҳсда Александр 15, Янник 6 та эйс зарбасини амалга оширган. Қўшхато ва брейклар мос равишда 6 га 3 ва 2 га 1 кўринишида Бублик фойдасига ҳал бўлди. Энди у чорак финалда чехиялик Томаш Махачга қарши кортга чиқади.