13 мар 20:20
Янгиликлар
Бокс/ММА
Қудратилло Абдуқаҳҳоров апрелда бўладиган жанги ҳақида фикр билдирди
Аввалроқ Қудратилло Абдуқаҳҳоровнинг 13 март куни Ҳавиер Флорес (15-2, 13 КО)га қарши бўладиган жангги рақибнинг тиббий кўрикдан ўта олмаганлиги боис бекор қилинган эди.
Шундан сўнг боксчимиз канадалик Коди Кровли билан 10 апрелда жанг қилиши ҳақида хабар берган эди. Бироқ пуэрто-риколик Хавьер Флорес қайта кўрикдан ўтган ва жанг белгиланган вақтда бўлиб ўтади.
Биз Абдуқаҳҳоров билан боғланиб апрель ойидаги Кровли билан тўқнашувнинг тақдири ҳақида сўрадик:
"Флорес билан жанг ўтганидан кейин, апрелдаги жанг ҳақида якуний қарорга келинади. Ҳозирча Кровли билан баҳс тўғрисида аниқ бирор гап айтолмайман", - деди боксчимиз.
Эслатиб ўтамиз, Қудратилло Абдуқаҳҳоров айни пайтда Эррол Спенсга тегишли бўлиб турган IBF чемпионлик камари учун мажбурий даъвогар ҳисобланади.
Ҳавола :
Манба : olamsport.com
Фикрлар