Қудратиллонинг рақиби: Жангнинг кўчирилишини чемпиондек қабул қилдим!

"Жангнинг кўчирилишини чемпиондек қабул қилдим ва мен 10 октябрь куни қилишим керак бўлган ишни 24 октябрь санасида ҳам амалга оширавераман. Руҳан жуда кучлиман ва шу сабабли менда муддатнинг ўзгариши билан ҳеч қандай муаммо йўқ. Тайёргарлик ажойиб тарзда кетмоқда ва мен жангга 100% тайёрман. Мен Жо Гуссен  билан ишладим, Эллис Рашиди ва Роналд Крус каби кучли боксчилар билан спарринглар ўтказдим. 

Мен ҳозирча Эррол Спенс, Менни Пакьяо, Дэнни Гарсия каби буюк боксчилар ҳақида ўйламаяпман. Уларнинг даражасига етишим учун мен биринчи ўринда 24 октябрь куни ғалаба қозонишим керак. Қолган ҳаммаси эса ўз-ўзидан бўлади. Юқори даражадаги боксчилар мен билан жанг қилишга мажбур. Ҳеч ким мен билан ўзи хоҳлагани сабаб жанг қилмайди, бунга мажбур бўлишсагина рози бўлишади.

"IBF рейтингида юқорида ўринда турувчи бирор боксчи бу ерга чиройли кўзлари учун келиб қолмаган. Абдуқаҳҳоровнинг ҳаваскор боксда ажойиб карьераси бор, у жуда кўп жанг ўтказган. Рингда жуда тез ҳаракат қилади. Шу билан бирга кучли зарбаси бор. Жисмоний ҳолати ҳам ажойиб. У жангда буларнинг ҳаммасини кўрсатади. Мен у билан масофада жанг қилмоқчиман. Мен яхши жанг кутаяпман. Менда унинг ҳамма ҳаракатлари учун режалар бор, нима қилиб бўлмасин ғалаба қозонаман!", - деди Липинец.