23 авг 20:29
Янгиликлар

Бокс/ММА

Қудратиллонинг вазнидаги Шон Портерда навбатдаги ғалаба ва камар!

Ярим ўрта вазн тоифасида собиқ жаҳон чемпиони Шон Портер навбатдаги жангини ўтказди.

32 ёшли Шон германиялик Себастьян Формеллага қарши рингга чиқди. Ушбу жанг IBF чемпионлик камари учун саралаш вазифасини ўтаб берди. Шу билан бирга ғолиб вакант бўлиб турган WBC Silver камарига эга чиқар эди.

Ўн икки раундга мўлжалланган жанг тўлиқ давом этди ва ғолиб ҳакамлар қарорига кўра аниқланди. Уччала ҳакам ҳам бир хил 120-108 ҳисобида Портернинг ғалабасирни таъминлашди.

Жанг якунланганидан сўнг Шон Портер кейинги жангини 21 ноябрь кунига белгиланган IBF ва WBC чемпионлик камарлари соҳиби Эррол Спенс ҳамда икки вазнда собиқ жаҳон чемпиони Дэнни Гарсия жанги ғолибига қарши рингга кўтарилиш истаги борлигини маълум қилди.