22 июн 14:47
Янгиликлар

Теннис

Queen's Club. Дунёнинг олтинчи ракеткаси 1/4 финалда

Лондон шаҳрида теннис бўйича майса қопламали теннис турнири давом этмоқда.

Дунёнинг олтинчи ракеткаси Хольгер Руне мусобақанинг 1/4 финал иштирокчисига айланди. Даниялик теннисчи иккинчи даврада ATP рейтигида 265-поғонадан жой олган британиялик Райан Пенистонни 6/3, 6/4 ҳисобида мағлубиятга учратди.

Руне ўзаро учрашувлардаги ҳисоб мувозанатини тиклаб олди - 1:1. Саксон олти дақиқа давом этган баҳсда Руне 5, Пенистон 2 та эйс зарбасини амалга оширган. Энди у Queen's Club турнирининг ярим финал чиптаси учун италиялик Лоренцо Музеттига қарши кортга чиқади.