Қурбон Бердиевдан қўнғироқ ёхуд Жасур Жалолиддинов "Қайрат"да ўйнайди

Championat.asia сайти маълумотига кўра, ярим ҳимоячи "Қайрат" клубига 2022 йил охиригача ижарага берилди. Қозоғистон клубида Жалолиддиновни тўлиқ сотиб олиш ҳуқуқи ҳам бўлади. 

Маълумот учун, "Қайрат"ни айни пайтда "Рубин"даги фаолияти орқали кўпчиликка яхши таниш бўлган, тажрибали мураббий Қурбон Бердиев бошқариб бормоқда. Эътиборлиси шахсан бош мураббийнинг ўзи Жасурга қўнғироқ қилган ва уни жамоада кўришни хоҳлашини маълум қилган.

"Қайрат" Қозоғистон кубоги соҳиби сифатида шу йилнинг июль ойидан Европа Конференция лигаси иккинчи босқичида иштирокини бошлайди. "Қайрат" олдига таркибни ёшартириш ва еврокубокларда муносиб иштирок этиш вазифаси қўйилган.