"Радник" бош мураббийи: "Шукуровнинг трансфери клубимиз даражаси ўсганини кўрсатади"

"Энг эътиборли харидларимиздан бири сифатида жамоамизга Ўзбекистон терма жамоаси аъзоси Отабек Шукуров келиб қўшилди. Биз терма жамоа сардори бўлган ва бу йилги Жаҳон чемпионатининг барча учта ўйинида иштирок этган тажрибали ярим ҳимоячини олиб келдик. У эндигина таркибга қўшилди", – дея таъкидлади Рендулич.

Шунингдек, сербиялик мутахассис ўзбекистонлик ярим ҳимоячининг ўйин услуби ва тажрибаси ҳақида ҳам алоҳида фикр билдирди:

"Умуман олганда, у айнан бизга керак бўлган профилдаги ўйинчи. Шукуров жуда катта тажрибага эга бўлган 'box to box' (икки жарима майдончаси оралиғида фаол ҳаракат қиладиган) ярим ҳимоячидир. Шундай даражадаги футболчини жамоага жалб қила олганимиздан жуда хурсандмиз. Ўйлайманки, ўз мамлакати терма жамоаси сафида 90 дан ортиқ ўйин ўтказган футболчининг трансфери 'Радник'нинг клуб сифатида сезиларли даражада ўсганини кўрсатади".