09 июн 14:14
Янгиликлар
Енгил атлетика
Радзивил ва Дусанова Грецияда шохсупага кўтарилишди
Грециянинг Афина шаҳрида енгил атлетика бўйича “Filothei Women Gala-2016” халқаро мусобақаси ўз якунига етди.
Қувонарлиси, унда иштирок этган икки нафар вакилларимиз шоҳсупага кўтарилдилар.
Жумладан, баландликка сакраш секторида Светлана Радзивил 1,95 метр натижа қайд этди. Унинг бу натижасини такрорлаш турнирда иштирок этган бирор спортчига насиб этмади. Мазкур мусобақада кумуш медал билан тақдирланган яна бир ҳамюртимиз Надия Дусанова эса 1,93 метр баландликни забт этди.
Эслатиб ўтамиз, ҳар икки спортчимиз учун “Рио-2016” ўйинлари фаолиятларидаги учинчи Олимпия ўйинлари ҳисобланади. Бунга қадар улар 2008 йили Пекин (Хитой) ва 2012 йили Лондон (Буюк Британия)да бўлиб ўтган Олимпиада ўйинларида Ватанимиз шарафини ҳимоя қилишган.
Ўзбекистон Миллий Олимпия қўмитаси матбуот хизмати
Ҳавола :
Манба : olamsport.com
Фикрлар