Rafa Nadal Open. Cултоновнинг илк даврадаги рақиби маълум, учрашув бугун ўтказилади

Мукофот жамғармаси 74,825 еврони ташкил этувчи ушбу турнирда ҳамюртимиз Ҳумоюн Султонов ҳам муваффақиятли одимлаяпти. Rafa Nadal Open by Movistar турнири теннис афсонаси Рафаэль Надаль томонидан ташкил этилаётгани билан ҳам аҳамиятли ҳисобланади. 

Саралаш баҳсларида биринчи рақам остида таснифланган Султонов 1/2 финалда италиялик Фабрицио Андалорони 6/3, 6/1, финал учрашувида эса рейтингнинг 493-поғонасида бораётган франциялик Саша Геймар Вайенбургни 6/4, 6/4 ҳисобида таслим этди. 

Бугун мамлакатимизнинг биринчи ракеткаси асосий тўрнинг 1/16 финал босқичида франциялик 21 ёшли Робин Бертранга қарши кортга чиқадиган. Ушбу баҳс бизнинг вақт билан соат 19:30да бошланади. Бу теннисчиларнинг ўзаро иккинчи учрашуви бўлади. Шу йилнинг 24 апрель куни Шарм Эл-Шейх М25 турнирида Робин 1/6, 6/1, 6/4 ҳисобида ғалаба қозонганди.   

Таққослаш учун, Ҳумоюн Султонов ATP рейтингида 264-ўринни эгаллаб турибди. Робин Бертран эса 274-поғонадан жой олган.