Рафаэл дос Аньос: "Махачев чемпионлик имкониятини бой бергани ажойиб"

"Сиз Дана Уайт нима деганини эшитдингиз - Ислам жангни қабул қилмади. Улар менга Ислам ярим ўрта вазнда жанг қилмоқчи эканлигини айтишди ва мен рози бўлдим. Аммо, эртаси куни эрталаб улар жангдан воз кечишларини айтишди. Мен унинг блефига жавоб бердим. Бу шундай эди. Улар, эҳтимол, мени ярим ўрта вазн тоифасида жанг қилмайман деб ўйлашган. Аммо, мен машғулот ўтказдим ва бу беҳуда кетишини истамадим. 16 ойдан бери жанг қилганим йўқ ва ким билан бўлса ҳам жанг қилишга тайёр эдим.

Ислам Махачев чемпионлик учун имкониятни бой бергани ажойиб бўлди. Мен ҳатто Бенил Дориушга ҳам ёздим- жангни сизга қайтардим!  Бу Ислам ўз ўйинлари учун берилган жазодир. Бу кичик ўйинлар унга чемпионлик учун яна кураш олиб келади. Энди у яна жанг қилиши керак бўлади",- деди бразилиялик" Час ММА" дастурида.

Аввалроқ Дос Аньос Махачев у билан жанг учун бир миллион доллар сўрагани ҳақида маълум қилганди. Бироқ, россиялик бу маълумот ҳақиқатга тўғри келмаслигини айтганди.