28 июл 15:19
Янгиликлар

Бокс/ММА

Рафаэль Физиев Матеуш Гамрот билан жанг қилади, сана ва манзил маълум

23 сентябрь куни АҚШнинг Лас-Вегас шаҳрида жойлашган UFC Apex аренасида навбатдаги UFC Fight Night мусобақаси бўлиб ўтади.

Мазкур турнирдан ўрин олган яна бир жанг маълум бўлди. Унга кўра, енгил вазн рейтингида топ-15 вакиллари бўлмиш Рафаэль Физиев ҳамда Матеуш Гамрот ўзаро тўқнаш келади. Жанг асосий кард доирасида ўтказилади.

Ҳозирча мусобақанинг марказий жанги эълон қилинмади.

Эслатиб ўтамиз, Рафаэль Физиев сўнгги жангини Жастин Гэтжига қарши ўтказиб, мағлуб бўлган эди. Матеуш Гамрот эса охирги жангида Жалин Тёрнердан устун келган эди.