15 июл 09:35
Янгиликлар

Бокс/ММА

Рафаэль Физиевнинг қанча муддатга сафдан чиққани маълум

UFC енгил вазн тоифаси рейтингида 7-ўринни эгаллаб турган Рафаэль Физиев адаши Рафаэль Дос Аньосга қарши жангда жароҳат олган эди.

Маълумотларга қараганда, "Атаман"нинг жароҳати кутилганидан жиддий бўлиб чиқди. Физиевга бурун синиши ташхиси қўйилган. У учун 2022 йилги UFC мавсуми якунланди. Рафаэль келаси ҳафтанинг чоршанба куни жарроҳлик столига ётади.

Эслатиб ўтамиз, Физиев Лас-Вегасда ўтган UFC on ESPN 39 турнирида бразилиялик собиқ чемпион Рафаэль Дос Аньосни бешинчи раундда нокаутга учратган эди. Ғалабасидан сўнг у кейинги жангини Жастин Гэтжига қарши ўтказиш истагида эканини маълум қилганди.