Рафаэль Надаль: "Мен ҳамма нарсадан мамнунман"

Жаҳоннинг иккинчи ракеткаси, испаниялик Рафаэль Надаль янги мавсум бошида ўзини қандай ҳис қилаётганини айтиб берди. 36 ёшли теннисчи бу йилги дастлабки икки учрашувда британиялик Кэмерон Норри ва австралиялик Алекс Де Минаурга ютқазди.

"Ҳаммаси яхши, жисмоний нуқтаи назаридан ҳаммаси жуда яхши. Ҳа, мен майдонда бироз тезроқ, динамикроқ бўлишим керак, ўйинни яхшироқ ўқий олишим керак. Лекин ўйин амалиёти ўзимга ишонч қўшади.

Жисмоний ҳолатга келсак, шикоят қиладиган нарсам йўқ. Мен ҳамма нарсадан мамнунман.

Австралия Очиқ чемпионати арафасида мен фақат яхшиланишим керак. Шу холос. Бу содир бўлишига чин дилдан ишонаман. Қачонлигини билмайман, лекин тез орада, шунга умид қиламан. Назаримда, аввалги даражамга қайтишга яқин қолгандек кўринади", - деди Надаль Сиднейдаги матбуот анжуманида.