15 апр 08:42
Янгиликлар

Бокс/ММА

Раҳматжон Рўзиохунов ва Дилшод Казаковни табриклаймиз

Бугун ўзбек бокс оиласининг икки аъзоси ўз таваллуд айёмини нишонламоқда.

Улар - Ўзбекистон терма жамоаси катта мураббийи Раҳматжон Рўзиохунов ва AIBA шифокори Дилшод Казаковдир.

Маълумот учун, Раҳматжон Рўзиохунов 1968 йили таваллуд топган. 2015 йилдан буён Ўзбекистон терма жамоасида мураббий сифатида фаолият юритади. «Ўзбекистонда хизмат кўрсатган мураббий» унвони соҳиби.

Терма жамоа мураббийи сифатида Рио Олимпиадасида, Осиё ўйинларида, уч маротаба жаҳон чемпионатида, икки марта Осиё чемпионатида ишлаган. www.olamsport.com сайти талқинига кўра 2019 йилнинг энг яхши мураббийи деб топилган.

Дилшод Казаков 1972 йили туғилган. Тошкент медецина институтида таҳсил олган. Спорт шифокори сифатидаги фаолиятини 1998 йилда бошлаган. Ўз вақтида футбол соҳасида шифокор сифатида ишлаган. 2000 йилдан ҳозирги кунгача бокс йўналишида фаолият олиб боради. 2011 йилдан AIBA тиббий комиссияси аъзоси. 2019 йилдан Осиё бокс конфедерацияси тиббий комиссияси раиси. 2018 йилда қитъанинг энг яхши техник мутахассиси.

4 маротаба Олимпия ўйинлари, 4 маротаба Осиё ўйинларида ишлаган.

Фурсатдан фойдаланиб, Olamsport.com сайти ходимлари ва мухлислари номидан тажрибали мутахассисларимизни бугунги таваллуд айёми билан табриклаймиз. Уларга соғлик-саломатлик, шарафли ва машаққатли касбда муваффақиятлар тилаймиз!