Рамазон октагонга чиқадиган UFC 333 турнири карди яна учта жанг билан тўлдирилди

Уларнинг учтасида Мустақил Давлатлар Ҳамдўстлиги мамлакатлари вакиллари иштирок этади. 

Ташкилот матбуот хизматининг расмий хабарига кўра, рақамли турнир доирасида доғистонлик Абусупиян Магомедов австралиялик ўрта вазнли жангчи Кэмерон Роустон билан, тожикистонлик енгил вазнли жангчи Нурулло Алиев эса америкалик Грант Доусон билан октагонда тўқнаш келади.

Шунингдек, турнир доирасида ярим енгил вазн тоифасида англиялик Арнольд Аллен ва америкалик Аарон Пико ўртасида ҳам жанг бўлиб ўтади. Энг енгил вазн тоифасидаги аралаш яккакураш устамиз Рамазон Темиров ушбу рақамли турнир доирасида англиялик Лоне Каванага қарши октагонга чиқади.

Аввалроқ, 24 октябрь куни бўлиб ўтадиган UFC 333 турнирининг марказий жангида ярим енгил вазн тоифасида австралиялик Александр Волкановски ва россиялик Мовсар Евлоев чемпионлик камари учун курашиши, оқшомнинг иккинчи муҳим жангида эса россиялик Пётр Ян ўзига тегишли ўта енгил вазндаги чемпионлик камарини грузиялик Мераб Двалишвилидан ҳимоя қилиши расман эълон қилинган эди.