Рамазон Темиров: "Рақибим жуда кучли эди. Топ-15'га кирдик, деган умиддаман"

Ҳамюртимиз 2 март тонгида Лас-Вегасда бўлиб ўтган UFC Fight Night турнири доирасида рейтингнинг 15-ўрнидаги америкалик Чарльз Жонсонни очколар ҳисобига кўра мағлуб этганди.

"Жуда ҳам хурсандман. Олдимизга қўйилган вазифа бажарилди. Рақибим кучли жангчи эди. Топ-15 рейтингга кирдик, деган умиддаман. Раундларни ютганимни билдим, сабаби, жангда теккизган зарбаларимни ҳис қилдим. Учта раундни ҳам ютдим, деб ўйлайман. Уч раундлик жангга режа қилиб чиққандим. Лекин жангимиз бунчалик тез бўлиб кетади, деб ўйламаган эдим. Рақибимга йўллаган зарбаларимни кўпи тегмай қолди, бу эса менга жанг давомида ноқулайлик туғдирди. Агар ўзим хоҳлаганимдек бўлганида, муддатидан олдин йиқитишим мумкин эди уни. Ўзим хоҳлаганимдек жанг қилолмадим, лекин бундан яхшироқ жанг қилишга қодирман", дейди Темиров.