06 авг 10:14
Янгиликлар
Рамазон Темиров вазнида расман чемпионлик жанги тасдиқланди + ПОСТЕР
Унда энг енгил вазн тоифаси чемпионлик камари ўртага қўйилади. Бразилиялик собиқ чемпион Алехандре Пантожа ўз камарини тортиб олиш учун амалдаги чемпион, Мьянма вакили Жошуа Ванга қарши реванш жангида октагонга чиқади. Ташкилот матбуот хизмати ушбу чемпионлик жангини тадбирнинг асосий воқеаси сифатида расман эълон қилди.
Ўтган йилнинг декабрь ойида Алехандре Пантожа чемпионлик унвонини Жошуа Ванга қарши ҳимоя қилган ва омадсиз йиқилиш оқибатида тирсагини чиқариб олиб, атиги 26-сонияда чемпионлик камаридан айрилганди.
Шундан сўнг бразилиялик жангчи октагонга қайтмади, Ван эса жорий йилнинг май ойида япониялик Тацуро Таирани бешинчи раундда техник нокаут эвазига мағлуб этиб, чемпионлик унвонини муваффақиятли ҳимоя қилди.
Бироз аввал хабар берганимиздек, ушбу рақамли турнирнинг иккинчи асосий жангида енгил вазн тоифаси етакчиси Арман Царукян бразилиялик Маурисио Руффига қарши октагонга чиқади.
Фикрлар