13 апр 16:40
Янгиликлар

Бокс/ММА

Рамазон Темировнинг 6 май куни кимга қарши жанг қилиши маълум бўлди + ПОСТEР

6 май куни Японияда аралаш жанг санъатлари бўйича Rizin 42 турнири ўтказилади.

Биз учун аҳамиятлиси, унда ўзбекистонлик илк Rizin жангчиси Рамазон Темиров ҳам октагонга кўтарилади.

Бир неча кун аввал, Темировнинг Rizin 42 турнири доирасидаги рақиби — Такаки Соя жароҳат олгани боис жангда иштирок эта олмаслиги ҳақида хабар берилган эди.

Рамазон Темировнинг ижтимоий тармоқлардаги саҳифасида маълум қилишича, 6 май куни унга япониялик бошқа бир жангчи — Юта Хамамото рақиблиқ қилади. Хамамото шу кунгача аралаш жанг санъатлари бўйича еттита жанг ўтказиб, уларнинг бештасида ғалаба қозонган, иккита жангда мағлубият аламини тотган.

Эслатиб ўтамиз, Рамазон Темиров сўнгги жангини 21 ноябрь куни Naiza FC 48 мусобақаси доирасида бразилиялик Кайк Аленарга қарши ўтказиб, муддатидан аввал ғалаба қозонган эди.