Рамзан Кадиров Бетербиевнинг мағлубиятига муносабат билдирди

Яримоғир вазн тоифасида мутлақ жаҳон чемпионлиги учун кечган реванш мақомидаги ушбу жангда камарлар соҳиби бўлиб турган Артур Бетербиев россиялик Дмитрий Биволга очколар ҳисобига кўра имкониятни бой бериб қўйганди. Артур чеченистонлик ҳисобланади.

"Ар-Риёдда ўтган оқшом профессионал бокс тарихидаги энг ёрқини бўлди дейиш мумкин. Бу жангни бутун дунё кутди. Икки бир-бирига тенг рақиблар – Артур Бетербиев ва Дмитрий Бивол ажойиб жанг ўтказиб беришди. Бу жанг нафақат кучли боксчи номини аниқлаб берди, балки уларнинг кучли характер эгалари эканини ҳам амалда кўрсатди. Артур Бетербиев замонавий боксдаги даҳшатли нокаутчи ҳисобланади. 

Афус, энди унинг ана шу нокаутлари қаторида битта мағлубият ҳам бор. Ҳа, бу профессионал спорт, унда шундай мағлубиятлар ҳам бўлади. Мағлубиятга қарамай, Бетербиев бокс мухлислари учун ўрнак бўлиб қолаверади. Битта оқшомдаги мағлубият билан чемпион руҳиятини синдириб бўлмайди. Укам Артурга кейинги фаолиятида ғалаба ва омад тилайман. Ишончим комил, у албатта кучли бўлиб қайтади", – деди Кадиров.