14 окт 13:29
Янгиликлар

Теннис

Раонич Питер турнирининг иккинчи даврасига чиқди

Сайёрамизнинг 21-ракеткаси Милош Раонич Россиянинг Санкт-Петербург шаҳрида ўтказилаётган турнирдаги иштирокини муваффақиятли бошлади.

Канадалик теннисчи St.Petersburg Open турнирининг биринчи босқичида рейтингнинг 123-поғонасида бораётган америкалик Жей-Жей Вольфдан устун эканлигини амалда исботлади - 7/6(5), 6/1.

Эътиборлиси, 1 соату 40 дақиқа давом этган баҳсда Милош 21 та эйс зарбани амалга оширган. Жей-Жейда бу кўрсаткич нолга тенг бўлди. Бу теннисчиларнинг ўзаро ўтказган илк учрашуви эди. Энди Милош иккинчи босқичда қозоғистонлик Александр Бубликка қарши кортга чиқади.