06 фев 15:20
Янгиликлар

Спорт курашлари

Расман. Алишер Ғаниев ва Айтжан Халмаханов PWL 11 турнирида қатнашади

Хабарингиз бор, 27 март куни Тошкентдаги "Ҳумо Арена" мажмуаси спорт курашлари бўйича PWL 11 мусобақасига мезбонлик қилади.

Лига матбуот хизмати турнирдан ўрин олган навбатдаги беллашувларни эълон қилди.

Унга кўра, юнон-рум кураши бўйича Ўзбекистон терма жамоаси аъзолари Алишер Ғаниев ва Айтжан Халмаханов мазкур мусобақада иштирок этади.

U23 ёш тоифасидаги Жаҳон чемпиони ҳамда Ислом бирдамлиги ўйинлари ғолиби Алишер Ғаниевга турнирда россиялик ЖЧ ва Европа чемпионати совриндори Садик Лалаев рақиблик қилса, катталар ўртасида амалдаги Жаҳон чемпиони Айтжан Халмаханов кубалик Токио-2020 Олимпиадаси ғолиби, 2023 йилги ЖЧ олтин медали соҳиби Луис Альберто Орта Санчес билан тўқнаш келади.