02 янв 09:28
Янгиликлар
Футбол
Расман: "Челси" ва Энцо Мареска ўзаро келишув асосида ҳамкорликни тўхтатди
Лондон клуби матбуот хизмати бош мураббий Энцо Мареска масаласида баёнот берди.
"Клубдаги фаолияти давомида Энцо жамоани Конференциялар Лигаси ва Клублар ўртасидаги ЖЧда ғалаба сари етаклади. Бу ютуқлар жамоанинг яқин тарихида муҳим ўрин эгаллайди ва биз унга клубга қўшган ҳиссаси учун миннатдорлик билдирамиз.
Ҳозирда тўртта мусобақада, жумладан, Чемпионлар Лигасига йўлланма олиш учун муҳим мақсадлар сақланиб турган бир пайтда, Энцо ва клуб ўзгариш жамоага мавсумни изига солиш учун энг яхши имкониятни беради деб ҳисоблайди.
Энцога келгусида омад тилаймиз", – дейилади баёнотда.
Аввалроқ машҳур инсайдер Фабрицио Романо "Челси" бош мураббийи Энцо Мареска лавозимини тарк этганини маълум қилган эди.
Ҳавола :
Манба : chelseafc.com
Фикрлар