10 фев 18:18
Янгиликлар

Футбол

Расман: Жасур Жалолиддинов - "Қайрат" ўйинчиси!

Ярим ҳимоячи Жасур Жалолиддинов янги мавсумни Қозоғистоннинг "Қайрат" жамоаси таркибида бошлайди.

"Қайрат" ўзбекистонлик футболчини ижарага олди.

"Жасур жамоамизда ижара асосида ҳаракат қилади ва қайд этиш керакки, клубда уни харид қилиш ҳуқуқи бор. Шартнома 2022 йилги мавсумнинг сўнггига қадар мўлжалланган. Хуш келибсиз, Жалолиддинов", - дейилади клуб хабарида.

"Қайрат" мамлакатнинг 3 карра чемпиони ҳисобланади. Айни дамда бу жамоани Қурбон Бердиев бошқармоқда. Ўтган мавсум "Қайрат" мамлакат чемпионатида бронза медалларни қўлга киритди. Жасур Жалолиддиновнинг "Локомотив" билан 2023 йил охиригача шартномаси бор.

Эслатиб ўтамиз, дастлабки сайтимиз томонидан хавбекнинг Қурбон Бердиев таклифига биноан қозоқ клубига ўтиши ҳақида маълумот берган эдик.

Кейинчалик Тошкентнинг "Локомотив" жамоаси ҳам бу ҳақда расмий маълум берганди.