Расман: "Пахтакор" польшалик форвардни таркибга қўшиб олди

"Жамоамиз польшалик ҳужумчи билан шартнома имзолади. 32 ёшли футболчининг охирги жамоаси Финляндиянинг "КуПС" клуби бўлганди. У эркин агент сифатида сафимизга келиб қўшилди. 

Паржишек фаолияти давомида Нидерландиянинг "Де Граафсхап", "Зволле", "Эммен", Англиянинг "Чарльтон", Бельгиянинг "Сент Трюйден", "Моленбеек", Даниянинг "Рандерс", Польшанинг "Пиаст", "Погон", Италиянинг "Фрозиноне", Испаниянинг "Леганес" клубларида ҳам ўйнаган. Польша ва Финляндия чемпионатларида "Пиаст" ҳамда "КуПС" клублари билан ғолиб бўлган.

Ҳужумчи собиқ жамоаси сафидаги сўнгги голини УЕФА Конференциялар Лигасининг сўнгги турида сафарда "Кристал Пэлас"га урганди", – дейилади хабарда.

Аввалроқ "Пахтакор" таркибига "Леганес" ва "Фрозиноне" собиқ ҳужумчиси келиб қўшилган эди.