16 ноя 11:41
Янгиликлар

Футбол

Расман: Поль Погба энди жамоасиз!

"Ювентус" клуби раҳбарияти ярим ҳимоячи Поль Погба билан шартнома бекор қилинганини эълон қилди.

Клуб матбуот хизматининг ёзишича, шартнома 30 ноябрь кунидан бекор қилинади. Қарор ўзаро келишувга асосан чиқарилган.

"Поль Погбанинг келгуси фаолиятига омад тилаймиз", - деб ёзилади клуб расмий сайтида.

Бунга қадар ярим ҳимоячи антидопинг қўмитаси томонидан 4 йилга футболдан четлатилганди. Футболчи кейинчалик CAS орқали судлашиб, дисквалификация муддатини 18 ойгача қисқартирганди. Француз футболчиси 2025 йилнинг март ойида майдонда кўриниш бериши мумкин.