РАСМАН! UFC Нурсултон Рўзибоевнинг кейинги рақиби, жанг санаси ва манзилини эълон қилди (ПОСТЕР)

Ҳамюртимиз 5 сентябрь куни Франция пойтахти Париж мезбонлик қиладиган UFC Fight Night турнирида иштирок этади.

32 яшар Нурсултонга UFC Paris турнирида англиялик тажрибали Майкл Пейж рақиб бўлади. Жанг ўрта вазн тоифасида ташкил этилади. Қизиғи, Нурсултон ўрта вазн тоифасидаги UFC рейтингида 15, Пейж эса ярим ўрта вазннинг кучли ўн бешталигида 12-ўринда қайд этилган.

Ҳозирча турнирнинг марказий баҳси эълон қилинмаган.

Нурсултон Рўзибоев фаолияти давомида ҳозирга қадар 48 та жанг ўтказиб, 37 та ғалаба, 9 та мағлубият ва 2 та дуранг қайд этган. У 27 июнь куни Баку (Озарбайжон) мезбонлик қилган UFC Fight Night турнирида россиялик Андрей Пуляевни биринчи раундда сабмишен орқали таслим этиб, ғалабали сериясини учтага етказиб олганди.

39 ёшли Майкл Пейж ҳисобида эса 25 та ғалаба ҳамда 3 та мағлубият бор. У ҳам охирги учта жангини муваффақиятли ниҳоялаган. Шара Буллет, Жаред Каннонир ва Сэм Петтерсон унинг сўнгги "ўлжалари" эди.