Расман! Вадим Немковнинг навбатдаги рақиби тасдиқланди

Россиялик аралаш яккакураш устаси 2025 йилнинг 25 январь куни БААнинг Дубай шаҳрида ташкил этиладиган Bellator Champions Series турнирида октагонга чиқади. Унинг рақиби оғир вазнда собиқ PFL чемпиони Анте Делия бўлади. Ташкилот ушбу жангни расман эълон қилди. 

Маълумот учун, Анте Делия 2022 йилда PFL Гран-приси ғолиби бўлганди. Сўнгги жангини шу йилнинг апрель ойида Валентин Молдавскийга қарши ўтказиб, техник нокаут эвазига ютқазиб қўйганди. Хорватиялик спортчи бу мағлубиятигача 5 та ғалабали серия билан келаётганди. Шу 5 та жангининг 3 тасини муддатидан аввал ғалаба билан якунлаган эди. 

Вадим Немков эса шу йил февраль ойида оғир вазн тоифасида муваффақиятли дебют қилганди. У Ар-Риёдда ўтган PFL ва Bellator промоушенларининг қўшма турнирида собиқ PFL чемпиони Бруно Каппелоззани иккинчи раундда бўғиш усули билан таслим этганди.