14 дек 12:36
Янгиликлар

Бокс/ММА

Расман! Хабиб Нурмагомедов ва Тони Фергюсон жанги тасдиқланди + ФОТО

UFC чемпиони Хабиб Нурмагомедов навбатдаги жангини Тони Фергюсонга қарши ўтказиши расман эълон қилинди.

Мазкур тўқнашув 2020 йилнинг 18 апрель куни UFC 249 турнири доирасида ташкил этилади.

Қайд этиш лозимки, ҳар икки спортчи ҳам UFCда 12 талик ғалабали серияга эга.

Бу Хабиб ва Тони ўртасидаги жангни ташкил этишга бешинчи уринишдир. Бунгача 2015 йилнинг декабри, 2016 йилнинг апрели, 2017 йилнинг марти ва 2018 йилнинг апрель ойларида мазкур спортчилар ўртасидаги жанг ташкил этилиши режалаштирилган. Аммо, турли сабаблар, жумладан жароҳатлар туфайли тўрт маротаба жанг бекор қилинган.