11 июн 09:20
Янгиликлар

Бокс/ММА

Расман. Яна бир ўзбек спортчиси UFCда, дебют санаси ва рақиб ҳам аниқ!

Аввалроқ Адашев UFCга ўтишга яқинлиги хабар қилинганди.

Ўзбекистонлик спортчи Заррух Адашев UFC турнирида иштирок этиши расман тасдиқланди.

Ҳамюртимиз шу ҳафта Лас-Вегасда ўтказиладиган UFC Fight Night турнирида октагонга чиқадиган бўлди.

Ўша куни Адашев америкалик Тайсон Нэмга қарши жанг қилади.

Маълумот учун, Адашевнинг ММАдаги кўрсаткичи 3-1 кўринишида бўлиб турибди. У бунгача жангларини "Bellator" промоушенида ўтказарди. Унинг рақиби Нэм эса бу борада тажрибалироқ. Тайсоннинг бу борадаги рекорди 18-11-1 ни ташкил этади. Шу йили февраль ойида эълон қилинган рейтингда у ўта енгил вазннинг 15-поғонасида қайд этилганди.