Расмий хабар. Хабиб Нурмагомедовнинг Тони Фергюсонга қарши жанги бешинчи маротаба бекор қилинди

Бу ҳақида Хабиб Нурмагомедов баёнот берди. 

"Уйда карантинда ўтириб, одамлар жангим атрофидаги гап-сўзларга қандай муносабат билдиришаётганлигини ўқиб ўтирибман. 

Кўринишидан, бутун дунё карантинда ўтирганида, барча мамлакатлар ҳукумати касаллик тарқалишини олдини олиб одамларни хавфсизлик қоидаларига риоя қилишларига чорласалару, Хабиб бу ерда битта жанг учун таваккал қилиб бутун жаҳон бўйлаб учиб юрса?

Мен барчасини тушуниб турибман ва жанг қолдирилганидан сиздан кам ҳафа эмасман. Менда ҳам бошқалар каби режалар бор эди, аммо буларнинг барчасини назорат қилишга менинг кучим етмайди. 

Катта мамлакатлар ва катта компаниялар вазият ҳар куни ўзгараётганидан шокка тушишмоқда. 

Аммо Хабиб уришиши керак, шундайми? Ўзингизни асранг ва ўзингизни мени ўрнимга қўйиб кўринг", - дея мурожаат қилди Хабиб Нурмагомедов. 

Эслатиб ўтамиз, бунгача Хабиб Нурмагомедов ва Тони Фергюсон ўртасидаги жанг тўрт маротаба бекор қилинганди.