07 мар 09:10
Янгиликлар
Бокс/ММА
Расул Мирзаев кетма-кет иккинчи жангида ҳам нокаутга учради
Қозоғистонда аралаш қоидалар бўйича ACA 105 турнири бўлиб ўтди.
Оқшомнинг марказий жангида россиялик Расул Мирзаев Арман Оспановга қарши октагонга кўтарилди. Жанг уч дақиқа ҳам давом этмади. Вазиятларнинг бирида Оспанов қарши ҳужумда Мирзаевни "ушлади".
Ўтказиб юборилган аниқ ва кучли зарбадан ўзига келиб улгурмай Мирзаев яна кетма-кет зарбаларни қабул қилиб олди. Бунинг натижасида рефери жангни тўхтатди. Бу Расул учун кетма-кет нокаут эвазига қабул қилинган иккинчи мағлубият бўлди. Ўтган йилнинг сентябрь ойида у Шамиль Шахбулатовга имкониятни бой берган эди.
Маълумот учун, 33 ёшли Расул Мирзаев ММАда 21 та жанг ўтказиб, уларнинг 18 тасида ғалаба қозонган.
Ҳавола :
Фикрлар