Райан Бейдер: Ҳа, ютқаздим, лекин менда яна битта чемпионлик камари бор!

Немков якшанба тонгида номдор рақибини техник нокаутга учратиб, ярим оғир вазн тоифасининг янги чемпионига айланганди. Айни пайтда Бейдер оғир вазн тоифасида жаҳон чемпиони бўлиб турибди. Яъни, у Немковга қадар бир йўла икки вазнда Bellator чемпиони эди. 

"Албатта, бу биз кутган натижа эмас. Лекин бу катта ўйин. Ҳа, мен мағлубиятни ёмон кўраман. Начора, бу шавқатсиз ўйинда мағлубиятга ҳам тайёр туриш керак. Ҳозир ўзимни жуда яхши ҳис қиляпман. Мени қўллаб-қувватлаганлардан миннатдорман. Яна ҳам масъулият билан ишлашда давом этаман. Битта камаримни бой бердим. Менда яна битта - оғир вазн тоифаси камари қолмоқда. Шундай экан, янада кучли бўлиб қайтаман", — дея ўзининг Твиттер саҳифасида хабар қолдирган Бейдер.