Райан Гарcия Исаак Круздан шартнома имзолашини сўради

Райан Гарсия рингга қайтишидаги илк жангини Исаак Крузга қарши бўлишини талаб қилмоқда.

«Райан дивизионда катта хавф туғдирадиган жангчи бўлмаган, у кўпроқ видео олиш ва Инстаграмда обуначиларга эга бўлишга эътибор қаратган. Аммо агар у жанг қилмоқчи бўлса, менга яқинлашсин», - деган эди Круз декабрь охирида DAZN нашрига берган интервьюсида.

«Исаак Круз, сиз менинг жағим шишадан эканлигини, мен фақат Инстаграмга эътибор қаратишмни айтдингиз айтдингиз. Келинг, шартномани имзолаганингиздан сўнг жағим нимадан иборатлигини билиб оласиз. Шартнома имозлаш ўрнига, бераётган интервьюларингиздан чарчадим», - деди бунга жавобан Райан.

"Golden Boy Promotions" президенти Эрик Гомеснинг сўзларига кўра, Гарcия баҳорда қайтади.

«Гарcия бир йилдан ортиқ вақтдан бери рингдан ташқарида. У ҳақиқатан ҳам Исаак Круз билан жанг қилмоқчи», - деди Гомес Кейин Манникснинг подкастида.

Кейин Манникс Гомесдан сўради: «Сизнингча, қўли cинган йигитнинг боши пўлатдан ясалган йигит (Круз)га қарши курашиши яхши фикрми?»

Гомес шундай жавоб берди: «Йўқ... Мен бундай деб ўйламайман. Аммо, бир нарса аниқки, баъзида жангчилар биз кўрмайдиган нарсани кўришади. Лекин, ҳар қандай сабабга кўра, у шунчаки ғалаба қозонмоқда ва у йигит билан жанг қилишни хоҳлайди. Мен енгилроқ жанг қилишни афзал кўраман. Шунинг учун ҳозир биз унинг олдига борамиз ва у билан потенциал рақиблар ҳақида гаплашамиз, лекин у март ёки апрелда қайтади», - деди Гомес.