Райан Гарсия - Жозеф Диаз жанги санаси келишиб олинди

Енгил вазн тоифасида собиқ WBC чемпиони, 22 ёшли Райан Гарсия ва WBCнинг амалдаги вақтинчалик чемпиони Жозеф Диас 27 ноябрь куни Лос-Анжелесда жанг қилади, деб хабар беради ESPN. Гарсия шу йилнинг январь ойида Льюк Кемпбеллни мағлубиятга учратган эди. 28 ёшли Диас шу йилнинг июль ойида Фортунани мағлуб этди, шундан сўнг у дарҳол Гарсияга қарши жангга қизиқиш билдирди. Иккала боксчи ҳам "Golden Boy Promotions" билан ишлайди.

«У Фортунанинг устидан ғалаба қозонганидан сўнг имкониятдан фойдаланиб, Диаcни мағлуб этишга қарор қилдим. Бу Фортуна билан жангдан қўрққаним ҳақидаги гапга нуқта қўяди. Қайта рингга чиқиб, тўхтаган жойимдан давом эттиришдан хурсандман. Мен рингни, жангни соғиндим», - дея Гарcиянинг сўзларини келтиради ESPN.

Диас, ўз навбатида, ёш Гарсиянинг атрофидаги шов-шувларга нуқта қўйишига ишонч билдирди.

«Мен уни нокаутга учратаман ва бу шов-шувга барҳам бераман. Мен унга ҳақиқий жанг нима эканлигини кўрсатаман. Ниҳоят, унинг жиддий рақиби бўлади», - деди Жозеф.